cerrar buscador

EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

13:15

EAE-ko Hauteskundeak 2020

Urriaren 21erako

Hauteskunde-mahaietako kideak aukeratzeko zozketak hasi dira

Erredakzioa

Justifikatu gabe ez agertzeak kartzela zigorra edo isuna ordaintzea ekar dezake. Pertsona bakoitzak 75 euroko dieta jasoko du.

  • Hauteskundeak Euskadi | Hauteskunde-mahaietako kideak aukeratu dituzte

    Mahaiko kideek 75 euroko dieta jasoko dute. Efe.

  • Whatsapp
  • Whatsapp
  • telegram
  • Bidali

Euskal Autonomi Erkidegoko udalak igande honetan bertan, irailak 23, hasi dira urriaren 21ko hauteskunde-mahaietan egoteko aukeratuak izan direnei abisu ematen.

Udalek larunbata larunbatetik, irailak 22, asteazkenera, irailak 26, dute 2.778 mahaietako 24.500 kideak eta ordezkoak nortzuk izango diren zozketa bidez erabakitzeko.

Aldi berean, herritarrei zozketa horien emaitzak aditzera emateko epea ere zabaldu dute, larunbata arte.

Hauteskunde-legearen arabera, 70 urtez beherako edozein herritar izan daiteke mahaietako kidea, irakurtzen eta idazten jakinez gero.

Aukeraketa egin eta hiru egunera, aukeratuei emaitzaren berri emango zaie, eta egitekoa azaltzen duen argibide-liburua.

Mahai bakoitzean presidentea eta bi kide egongo dira. Bakoitzaren bi ordezko ere aukeratuko dituzte.

75 euroko dieta

Guztira, 2.778 mahai izango dira EAEn; 427 Araban, 1.475 Bizkaian, eta 876 Gipuzkoan. Hauteslekuak, aldiz, 737 izango dira: 106 Araban, 344 Bizkaian eta 287 Gipuzkoan.

Presidentea, mahaiko beste kideak eta ordezkoak derrigorrez egon behar dute hauteslekuan, horrela ez bada, eta justifikaziorik egon ezean, kartzela-zigorra edo isuna ordaindu beharko dute.

Mahaiko kide bakoitzak 75 euroko dieta jasoko du eta Segurantza Sozialaren babesa izango du lanean dauden bitartean istripurik izanez gero.

Iruzkinak

    • BILATZAILEA

    Bisitatuena

      Kargatzen ikusiena
      Kargatzen ikusiena