EAE-ko Hauteskundeak 2020
EAE-ko hauteskundeak
Ibermaticako 300 langile arduratuko dira boto kontaketaz
Erredakzioa
EAEko hauteskundeetan, herritarrek unean uneko datuak ikusteko aukera izango dute, Internet bidez.
-
Hautestontzia. Argazkia: EITB
Ibermatica enpresako 300 langile arduratuko dira behin-behineko boto kontaketa egiteaz, urriaren 21eko EAEko hauteskundeetan.
“Erabateko fidagarritasuna lortzea eta azkar lan egitea dira helburuak, herritarrek ahal bezain laster eta gardentasunez jakin dezaten hauteskundeen emaitza”, Ibermatica enpresak ohar bidez jakinarazi duenez.
2009ko hauteskundeetan, 22:40rako amaitu zuten boto kontaketa, “inoiz baino lehenago”, gaineratu du.
Urriaren 21eko hauteskundeen aurretik, egunean bertan erabili behar duten teknologia probatuko dute, eta astebete lehenago simulazio bat egingo dute, hauteskunde egunean lan egingo duten pertsona guztiekin.
Boto kontaketa zuzenean jarraitzeko aukera izango dute alderdi politiko, hedabide eta erakundeek, Intranet bidez. Bestalde, herritarrek ere unean uneko datuak ikusteko aukera izango dute, Internet bidez.
