EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

23:22

EAE-ko Hauteskundeak 2020

U-21

EH Bildu: 'Wertek XXI. mendeko eskola frankista aldarrikatu du'

Erredakzioa

Laura Mintegi lehendakarigaiak esan duenez, koalizioa murrizketa “antisozialen” aurkako “bermea” da, gizartea “beste era batean” hautematen duelako.

00:46
  • Whatsapp
  • Whatsapp
  • telegram
  • Bidali

Jose Ignacio Wert Hezkuntza ministroak asteazkenean bere hezkuntza-erreformaren bitartez ikasle katalanak "espainolizatzea" nahi zuela esan duen, eta hori "eskola frankistaren XXI. mendeko bertsioa" eskatzea dela uste du EH Bilduk.

Laura Mintegi lehendakarigaiak azaldu duenez, koalizioa murrizketa "antisozialen" aurkako "bermea" da, gizartea "beste era batean" hautematen duelako.

Laudion (Araba) egindako hauteskunde ekitaldian, EH Bilduren Arabako zerrendaburuarekin batera, koalizioa "Madrilek eta Europak euskal herritarrei inposatzen dizkieten murrizketa "antisozialen" aurka dagoela adierazi du Mintegik. "EH Bildu murrizketak aplikatuko ez diren bermea da", nabarmendu du lehendakarigaiak.

Mintegik esan duenez, EH Bilduk "gizartea beste era batean" hautematen du, eta arazoak egunez egun aurre egiten die, "ezberdina delako". "Beste balio eta lehentasun batzuk ditugu, pertsonei begiratzen diegu eta ez kapitalari. EH Bilduko ordezkariek ez dituzte Madrildik inposatzen murrizketak antisozialak Euskal Herrian aplikatuko", adierazi du.

Goizeko ekitaldia

Soldata altuenen eta baxuenen arteko aldea murriztea proposatu du gaur Laura Mintegi EH Bildu koalizioko lehendakarigaiak, eta, horretarako, "mailakako neurri fiskalak" beharko direla azpimarratu du.

Mintegi eta Belen Arrondo EH Bilduko Arabako zerrendaburua Gasteizen izan dira, enpleguaren inguruko ekitaldi batean. Koalizioko ordezkariekin batera, Celsa Atlantic enpresako langile batzuk izan dira (EAEko Justizia Auzitegiak bertan behera utzi du aste honetan enpresa horren lan-erregulazioko txostena).

Mintegiren hitzetan, Laminaciones Arreguiko langileen borroka "eredugarria izan da". Ekitaldi horretan, enpleguaren arloan EH Bilduk bultzatuko dituen proposamenak azaldu dituzte. "Enplegua banatzeko" helburuarekin, 35 orduko lanaldia proposatu du koalizio abertzaleak.

Horrez gain, gutxieneko soldata 1.075 eurora igotzea ere proposatu du Mintegik, "pobreziaren mugaren gainetik" kokatu ahal izateko. "Kalitatezko enplegua sortzea" koalizioaren "lehentasuna" izango da, Laura Mintegiren hitzetan.

Kohesio soziala lortzeko neurriak ere aipatu ditu EH Bilduko hautagaiak: soldata altuenen eta baxuenen arteko aldea "legez" murriztea proposatu du, eta, horretarako, "mailakako neurri fiskalak" martxan jarri beharko direla esan du.


Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena