EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

19:15

EAE-ko Hauteskundeak 2020

U-21en ostean

Urkulluk bilera-sorta datorren astean hastea aurreikusi du

Erredakzioa

EAJren lehendakarigaiak akordio zabalak lortu nahi ditu, besteak beste, susperraldi ekonomikoa lortzeko gaian.

  • Iñigo Urkullu EAJren lehendakarigaia eta Antoni Ortuzar alderdikidea.

    Iñigo Urkullu EAJren lehendakarigaia eta Antoni Ortuzar alderdikidea. EFE

  • Whatsapp
  • Whatsapp
  • telegram
  • Bidali

Iñigo Urkullu EAJko lehendakarigaiak datorren astean EH Bildu, PSE-EE, PP eta UPyD alderdiekin bilera-sorta hastea aurreikusi du; akordio zabalak lortu nahi ditu, besteak beste, susperraldi ekonomikoa lortzeko gaian.

Urkullu astelehenean bildu zen, Sabin Etxean, alderdiko kideekin, lan ibilbide bat egiteko, alderdi nagusiekin aurreikusitako bileretan.

Aurreikusi dutenez, datorren astean hasiko ditu bilerak ondorengo hauekin: Laura Mintegi EH Bilduko lehendakarigaiarekin, Patxi Lopez PSE-EEkoarekin eta Antonio Basagoiti PPkoarekin. Halere, oraindik ez dute egutegia itxi, EAJtik jakitera eman dutenez.

Lopezek gaur azaldu duenez, Urkulluk ez du deitu oraindik, baina argi utzi du "oposizio arduratsua" egingo duela lehendakari izateari uzten dionean.

Urkulluk alderdi nagusiei egonkortasuna lortzeko paktu bat eskaintzeko asmoa du, bai Gobernuari baita hiru Aldundiei ere, EAJri (Bizkaian), PPri (Araban) eta Bilduri (Gipuzkoan).

Hiru Aldundietan, gutxiengoa dute hiru alderdiek, EAJ ere egoera berean geratuko litzateke lehendakaritza berak bakarrik hartuko balu, bere 27 aulkiek gehiengo osotik (38) urrun jartzen baitute.

EAJk Legebiltzarreko gainerako lau indarrekin hiru paktu nagusi egiteko konpromisoa mantendu du gai hauetan: krisi ekonomikoan, bizikidetzan eta Euskadiren status politiko berrian. Susperraldi ekonomikoak izango du lehentasuna.

EAJren barruko egitasmoei dagokienez, Urkulluren balizko inbestidurak alderdiko eta EBBko presidentetza uztea eragingo lioke.

Josu Erkoreka EAJko bozeramaileak azaldu duenez, alderdiko estatutuek hala deritzote.











Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena