Albisteak -

Maiatzak 25

CiUren eta ERCren arteko berdinketa iragartzen du CEOren galdeketak

Bestalde, kataluniarren % 47,1ek independentziaren aldeko bozkatuko lukete azaroaren 9ko galdeketan, eta % 19,3k, berriz, kontra.

Artur Mas (CiU) eta Oriol Junqueras (ERC). Argazkia: EiTB
Artur Mas (CiU) eta Oriol Junqueras (ERC). Argazkia: EiTB
Artur Mas (CiU) eta Oriol Junqueras (ERC). Argazkia: EiTB

Erredakzioa

Whatsapp Facebook Twitter Telegram Email

(CEO) Kataluniako Iritzi Ikerketen Zentroak CiU eta ERC alderdien arteko berdinketa iragarri du maiatzaren 25eko Europako Parlamenturako Hauteskundeei begira. Halaber, PSC izango litzateke hirugarren indarra (% 16,9), PP (% 12,1), ICV-EUiA (% 11,3), Ciutadans (% 9,9) eta UPyD (% 2,2) alderdien aurretik.

Bestalde, boto intentzio zuzena kontuan hartuz gero, ERC litzateke alderdi bozkatuena (% 14,4), CiUren (% 11,3) aurretik.

Kataluniaren % 47,1, independentziaren alde

Kataluniaren % 47,1ek independentziaren alde bozkatuko luke azaroaren 9ko galdeketan, eta % 19,3k, berriz, kontra. Bestalde, % 8,6k Katalunia Estatua izatearen aldeko bozkatuko luke, baina estatu independente izatearen kontra. % 9,4k ez du erabaki zer bozkatu eta % 1,8k ez du erantzun nahi izan.

Kataluniako Iritzi Ikerketen Zentroak azaroaren 9ko erreferendumari buruzko galderak gehitu ditu, lehen aldiz, bere inkestan.

2.000 kataluniar inguruk erantzun dituzte Kataluniako Iritzi Ikerketen Zentroaren galderak.

Hau zure interesekoa bada, baliteke beste gai hauek ere izatea
Kataluniako azken ordukoa

Informazio gehiago