Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

22:06

Albisteak

Hauteskunde kanpaina

Lopez: 'Etxean geratzea eskuin neoliberalari botoa ematea da'

Erredakzioa

Alderdi batzuen kezka "estatus berria eta mugak sortzea" izatea deitoratu du buruzagi sozialistak.

  • PSE-EEren hauteskunde kanpainaren hasiera ekitaldia, Bilbon. EFE

    PSE-EEren hauteskunde kanpainaren hasiera ekitaldia, Bilbon. EFE

  • Whatsapp
  • Whatsapp
  • telegram
  • Bidali

Patxi Lopez PSE-EEko idazkari nagusiak "Europako alderdi eskuindarrek inposatzen dizkiguten politikak" aldatzea beharrezkoa dela ohartarazi du, eta, horren ildotik, maiatzaren 25eko hauteskundeetan etxean geratzea "eskuin neoliberalari botoa ematea" izango dela ohartarazi du.

Lopezek hasiera eman dio Alderdi Sozialistaren hauteskunde kanpainari, Bilbon, Ramon Jauregui eta Eider Gardiazabal hautagaiekin batera. Horren esanetan, "Europaren ordua iritsi da", eta deitoratu egin du alderdi batzuen kezkak "estatus berria, mugak sortzea eta subiranotasun baztertzaileak bilatzea" izatea.

Buruzagi sozialistaren esanetan, bere alderdia ez da eztabaida horretan sartuko, "eskuina ukiezina zela uste genuen eredu soziala desegiten ari baita". "Batzuek euskaldun izatea zer den eta zer ez den eztabaidatzen ari diren bitartean, eskuin neoliberalak europar izaera kendu digu", salatu du.

"Erabakiak eskuinak hartzen baditu, politikek bide horretatik jarraituko dute", iritzi dio. Halaber, eskuineko politikak aldatzea "premiazkoa" dela zabaltzea eskatu die militante sozialistei.

"Boto-emaileei gure konpromisoa, Europako Alderdi Sozialista guztien konpromisoa, helarazi behar diegu: ezkerrera egin behar dugu, krisian ez dugu inor abandonatu behar, kendu nahi dizkiguten zerbitzu publikoak irmo defendatu behar ditugu, murrizketen erokeria amaitu behar dugu, eta enpresak eta langileak sustatu behar ditugu, langile gabe Europa geldirik dagoelako", azaldu du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena