Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

17:38

Albisteak

Hauteskunde kanpaina: PP

Montoro: 'PPren alde bozkatzea ekonomiaren susperraldia babestea da'

Erredakzioa

Sozialistek gobernatzen dutenean herrialdea "porrotera" eramaten dutela salatu du Ogasun ministroak.

  • Cristobal Montoro, PPk Bilbon egindako ekitaldian. EiTB

    Cristobal Montoro, PPk Bilbon egindako ekitaldian. EiTB

  • Whatsapp
  • Whatsapp
  • telegram
  • Bidali

Cristobal Montoro Espainiako Gobernuaren Ogasun ministroak PPren alde bozkatzea "ekonomiaren susperraldia babestea" dela adierazi du. Gainera, sozialistek gobernatzen dutenean herrialdea "porrotera" eramaten dutela salatu du.

PPk ekitaldia egin du larunbat honetan Bilbon, Europako hauteskundeetarako kanpainaren baitan, eta bertan Montoro, Arantza Quiroga EAEko PPko presidentea eta Carlos Iturgaiz hautagaia izan dira.

Hitzaldian, PPren Gobernua "berriz ere Espainiako ekonomia krisitik ateratzen" ari dela esan du Montorok.

Horren esanetan, Euskadik susperraldiari egin dio ekarpena "esportatzeko ahalmena" da, eta, ondorioz, Euskadik "bat egingo du" hazkundearekin.

Halaber, EAEko Kontzertu Ekonomikoaren alde egin du, eta horren berrikuntza lortzeko PPren Gobernuak egindako lana goratu du.

Arantza Quiroga ere Kontzertuaren alde agertu da, eta itun hori errealitatea bada, "PPren gobernuek Europan egindako defentsaren ondorioz" dela azpimarratu du.

Bestalde, Carlos Iturgaizek adierazi duenez, Euskadi eta Katalunia "Espainiaren parte" izanda "ez dira inoiz Europatik kanpo egongo". Horren haritik, nazionalisten politikek "haustura" ekarriko dutela ohartarazi du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena