Ciudadanosek 'aldaketa zentzuduna' aldarrikatu du

Nicolas de Miguel Ciudadanos Euskadiko bozeramaileak “hauteslekuak betetzea” eskatu du, “aro politiko berriari txanda emateko”.

Alderdi laranjak herriz herri kartelak itsasten eman dio hasiera ekainaren 26ko hauteskundeen kanpainiari.

“Jakin badakigu herritarrak nazkatuta daudela horrenbeste hauteskundeekin eta hain konponbide gutxirekin”, esan du De Miguelek.

“Hala ere, esfortzua egin behar dugu hauteslekuak betetzeko eta aro politiko berriari txanda emateko, aldaketa zentzuduna lehenesteko”, amaitu du.