Hauteskunde Orokorrak -

Emaitzak

Abascalek Voxen gorakada ospatu du, baina gobernagarritasunak kezkatzen du

Voxek "hamaika hilabetetan soilik" gorakada "oso azkarra" lortu, eta Espainian demokrazia "hobetu" du, eskuin-muturreko alderdiko buruzagiak azpimarratu duenez.

Santiago Abascal Voxeko presidente. Argazkia: EFE
Santiago Abascal Voxeko presidente. Argazkia: EFE
Santiago Abascalen (VOX) hauteskunde-emaitzen balorazioa

13:14

Agentzia | Erredakzioa

Whatsapp Facebook Twitter Telegram Email

Voxek "hamaika hilabetetan soilik" gorakada "oso azkarra" lortu, eta Espainian demokrazia "hobetu" du, Santiago Abascal eskuin-muturreko alderdiko presidenteak igande honetan azpimarratu duenez. Hala ere, PSOEren garaipenak eta Estatuaren gobernagarritasunak kezkatzen dutela ziurtatu du Abascalek.

Ehunka jarraitzaile alderdiaren egoitzara joan dira, Madrilgo Bambu kalera, Voxek lortutako 52 eserlekuak ospatzeko.

Egoitzaren atarian prestatu duten agertokian, Voxen 3,5 milioi boto-emaileei eskerrak eman dizkie Abascalek, eta ez dietela huts egingo agindu die Voxeko buruak.

"Ez dugu atzerapausorik emango, eta hauteskundeetako urtebete honetan defendatu izan dugun gauza bera defendatuko dugu Gorteetan", ziurtatu du. Lau edo bost zinegotzi izatetik Espainiako hirugarren indar politikoa izatera pasatu da epe horretan.

Hau zure interesekoa bada, baliteke beste gai hauek ere izatea
Diputatuen Kongresua Politika Hauteskunde orokorrak Espainia Hauteskundeak AEB Alderdi politikoak Eguneko albisteak Albisteak Hauteskundeak Vox Hauteskunde inkestak Senatua Eskuin muturreko mugimenduak