Urakan batek bertan behera utz lezake Errepublikanoen Bilera

Errepublikanoek abuztuan Floridan egingo duten biltzar nagusia bertan behera gera liteke urakan denboraldia dela eta, bertako agintariek iragarri dutenez. Hain justu, hil horretan urakan asko izaten dira eta kalte handiak sor ditzakete.

Florida Estatuko larrialdien kudeaketarako bozeramaile batek gogoratu duenez, abuztuaren 27tik 30era 50.000 lagun espero dituzte errepublikanoek euren biltzar nagusian. Azken urteetan herrialdea gogorren astindu duten bi urakanek (Andrew eta Katrina) Florida zeharkatu zuten abuztuko azken astean.

Alderdi Errepublikanoarentzat hitzordu garrantzitsua da, besteak beste, Mick Romneyri, Barack Obamari aurre egingo dion hautagaiari, babes ofiziala emango diotelako bertan.

Alderdi Demokrataren batzarra hurrengo astean egitekoa da, Ipar Carolinan, AEBetako ekialdeko kostan hori ere. Beraz, errepublikanoen hitzordua atzeratzen bada, litekeena da bi alderdiek aste berean egitea euren bilerak.