Michelle Obamaren jarraitzaile nagusiak

Barack Obamak berriz ere erakutsi du: emaztearen jarraitzaile nagusia bera da. AEBetako presidenteak Twitter sare sozialean jarraitzaileekin argazki bat partekatu zuen atzo gauean. Barack Obama eta alabak, Malia (14 urte) eta Sasha (11 urte), Michellek Charlotten (Ipar Carolina) demokratak egiten ari diren batzarrean emandako hitzaldia jarraitzen ageri dira bertan. Batzarrean, Barack Obama ofizialki Presidentetzarako hautagai izendatuko dute.

Batzarrera hurbildu ziren ordezkariak hunkitu egin zituen Michelle Obamak. Gaueko izarra izan zen. Michelle Obama emakume hurbila da, horren alde dauden estatubatuarren iritzian, eta senarrak baino oniritzi handiagoa du.

Sare sozialak babes horren isla dira. Hitzaldia eman bitartean, sarea hankaz gora jarri zuen presidentearen emazteak. Michelle Obamaren inguruko txioek 28.000 txio-minutuko maiztasuna izan zuten; Mitt Romneyk Presidentetzarako hautagai izatea onartu zuenean eragindako 15.000 txio-minutuko maiaztasuna ia bikoiztu du Michellek.

Michelle Obama kanpaina demokratan funtsezko pieza bihurtu da.