AEBko hauteskundeak 2020: Azaroak 3, legegintzarako hauteskundeak AEBn | EITB Hauteskundeak AEB

AEB-ko HAUTESKUNDEAK

10:22

AEB-ko HAUTESKUNDEAK

Demokraten batzarra

Clinton: 'Inor ez da krisia lau urtean konpontzeko gai'

Erredakzioa

AEBetako presidente ohiak ofizialki izendatu du Barack Obama Alderdi Demokrataren hautagai.

01:53
  • Whatsapp
  • Whatsapp
  • telegram
  • Bidali

Bill Clinton AEBetako presidente ohiak ofizialki izendatu du gaur Barack Obama Alderdi Demokrataren presidentegai, azaroaren 6rako hauteskundeetarako.

"AEBetako hurrengo presidentea Barack Obama izatea nahi dut, eta harro izendatzen dut Alderdi Demokrataren hautagai", adierazi du Clintonek, Charlotteko Time Warner Cable Arena estadioan, demokraten batzarreko bigarren egunean.

Hitzaldiaren ostean, Obama agertokira igo da eta besarkada bat eman dio Clintoni.

"Inor ez da Obamak oinordetzan jaso zuen egoera [ekonomikoa] lau urtean konpontzeko gai", nabarmendu du, txalo zaparrada ugari piztu duen hitzaldi batean. Barack Obama ez ezik, Michelle horren emaztea eta Joe Biden Presidenteordetzarako hautagaia ere goratu ditu.

"Obamak ekonomia hondatua jaso zuen oinordetzan, baina hondamendia galarazi du, susperraldiaren bide luzea abiatu du, eta milioika lanpostu, negozioak eta aberastasuna sortuko dituen ekonomia modernoaren oinarriak ezarri ditu", gaineratu du.

Obama Alderdi Demokrataren presidentegaia izateko hautagai bakarra izan denez, Clintonek zuzen-zuzenean izendatu du, bozketarik gabe, Antonio Villaraigosa demokraten batzarreko presidenteak azaldu duenez.

Obamak gaur onartuko du izendapena, batzarrari amaiera emateko hitzaldian.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena