Pere Navarro: 'PSCk ez du jipoirik jasoko'

Pere Navarro PSCren liderra eta Generalitaterako presidentegaiak PSCren ibilbide luzea ekarri du gogora ostegunean, abenduaren 15ean, eta, esan duenez, bere alderdiak ez du "jipoirik jasoko" Kataluniako hauteskundeetan, inkestek esan dutena gorabehera.

Mataron, 400 pertsonaren aurrean egindako hauteskunde-ekitaldi batean honako abisu hau bota du: "PSCk jipoia jaso lezakeela pentsatzen duenak, ez du gogoratzen sozialistok oso urrunetik gatozela eta askoz ere urrunago joan gaitezkeela", irmoki esan du.

Lider sozialistak onartu du azken egunotan askotan galdetu diotela PSCren aukerei buruz; berak erantzuten duena zera da: nahiz eta zaila izan, orain inoiz baino gehiago "merezi du borrokatzea", sozialismoak bere indarra berreskuratu dezan.