Itxi

Udal eta foru hauteskundeak

Kanpainaurrea

Euskaditik joan behar izan duten gazteei EAJ "ongizatearen sinonimo" den galdetzeko eskatu dio PPk Urkulluri

Agentziak | EITB Media

Laura Garrido Euskadiko PPko idazkari nagusiak igande honetan adierazi duenez, Euskadik "arazo estrukturala" du "talentua erakartzeko eta atxikitzeko" orduan.

  • Laura Garrido, Leioan egindako ekitaldian. Argazkia: EITB Media

    Laura Garrido, Leioan egindako ekitaldian. Argazkia: EITB Media

Laura Garrido Euskadiko PPko idazkari nagusiak Iñigo Urkullu lehendakariari eskatu dio Euskaditik alde egin behar duten gazteei galdetzeko ea EAJ "ongizatearen sinonimo" den.

Alderdi Popularrak Jon Albisu aurkeztu du igande honetan Leioako (Bizkaia) alkategai izateko. Laura Garrido idazkari nagusiak eta Raquel Gonzalez Bizkaiko PPko presidenteak hartu dute parte ekitaldian.

Euskadik "talentua erakartzeko eta atxikitzeko" garaian "egiturazko arazo bat" duela adierazi ondoren, azpimarratu du horri guztiari "ekintzailetza tasa txikia" gehitzen zaiola.

"Urkullu lehendakariak dio EAJ ongizatearen, aurrerapenaren eta egonkortasunaren sinonimo dela... galde diezaiela Euskadiko gazteei, horietako askok aukera faltagatik alde egin behar dutenean", gaineratu du.

  • Bisitatuena

      Kargatzen ikusiena
      Kargatzen ikusiena