Hilabete eta erdi dutenetik, basatxerriak nola hazten dituzten kontatu digu Asier Rubiok Elgoibarren. Zer-nolako ezaugarriak izan behar dituzten ere zehaztu du erreportaje honetan.

Rahel Danielek irabazi du emakumezkoen mailako Elgoibarko 79. Juan Mugerza Krosa, 25 minutu eta 44 segundoko markarekin. Gizonezkoen mailan Selemon Baregak jantzi du txapela, 33 minutu eta 14 segundoko markarekin.

Urtarrilaren 8an jokatuko da Elgoibarko Juan Mugerza Krosaren 79. edizioa. Goi-mailako korrikalarien parte-hartzea bermatuta dago. Krosa zuzenean jarraitu ahalko da eitb.eus-en eta ETB1en, 12:00etan.

Emakume bat eta haren semea barruan zeuden sua piztu denean. Oraindik argitzeko dago zein izan den sutearen arrazoia. Hainbat suhiltzaile bertaratu dira, baina sugarren indarrak ezinezko egin du baserria salbatzea, eta erabat erraustu da.

Deparkel Debabarrena Parkinson elkartearen helburua da Debabarrenean parkinsona dutenen eta ingurukoen bizi kalitatea hobetzea. Nahiara Mugerza idazkari eta zuzendaritzako kidea elkartearen nondik norakoez aritu da. Gaixotasunaren jatorria eta sintomak zeintzuk diren azaldu du.

Gabriela eta Marcos Gorbea jatetxeko lankideak dira, eta proiektuaren inguruko xehetasunak emateaz gain, garaiko errezeta eder bat prestatu digute: kalabaza krema oilasko kurruskariarekin.

Ehunka pertsona bildu dira atzo Benidormen bikotekideak hildako Maria Luisa Larrañagaren hilketa matxista salatzeko. Maria Luisa Soraluzekoa zen, baina Elgoibarren bizi izan zen urte askotan.

1976. urteaz geroztik, Mauxitxa txarangak Elgoibarko bizilagunei laguntzen die udako oporren osteko lehen lanegunean. Aurten ere ez dute hutsik egin.

2022ko uda amaitzear da, baina jaiek aurrera darraite. Bilboko Aste Nagusiarekin batera, hasi berri dira Elgoibarko jaiak ere bai.

Urruzunoko zabortegiaren behin betiko itxierarekin Debabarreneko mankomunitateak amaitutzat eman du eskualdeko zabortegien aroa. 2007tik hondakinik jasotzen ez bazuen ere, kutsatutako urak sortzen zituen eta Aranbeltz errekan amaitzeko arriskua zuten.

Berdintasunaren aldeko mezua bota dute Elgoibar Ikastolako LH 5C gelakoek. Hala diote: "Neska edo mutila izan guretzat ez dago desberdintasunik. Generoak ez du garrantziarik, saiatuz gero, nahi duzuna lortu dezakezulako."

Honako mezua bidali digute 5B gelatik: Lagunak zaindu behar dira denaren gainetik eta hauek diren bezala errespetatu, horrela maitasunez inguratuta eta pozik egongo zarelako.

Ametsak bizitzeko gonbidapena egin digute Elgoibar Ikastolako LH 5 A mailakoek: Aske amestu, ingurukoak zaindu eta zintzoa izanda, zure amets guztiak egi bihurtu daitezkeela sinistu behar da.

Hego Euskal Herrian 150.000 musulman inguru daude, erdiak atzerritar jatorria dutenak. Euren errituei jarraituz, hildakoen gorpuak sorterrira eraman ohi izan dituzte. Pandemian, konfinamenduak eta mugen itxierak agerian utzi dute lurperatze musulmanak egiteko toki falta.

Elgoibar Ikastolako LH5 mailako geletan "Go!azen" telesailaren udako abestiari letra jarri diote Joana Rodriguez irakaslearen gidaritzapean. Zuek ere egin baduzue, bidali letra edota bideoa eitb.eus/goazen atarira.

Martxoaren 31ri buruz hitz egitera etorri da Albina Stardust gurera. Horretarako Elgoibarko kaleetara atera da, bertakoei egun honi buruzko galderak egitera. Jakingo al dute bertako biztanleek Martxoak 31 trans ikusgarritasunaren nazioarteko eguna dela?

Martxoaren 8a izateko bi egun falta direnean, EITB Mediak kirol munduan dagoen berdintasun faltan jarri du begirada. Elgoibarko emakumezkoen futbol taldeko jokalarien lekukotzak jaso ditugu.

Hiru ibilgailuren arteko istripu batek auto-ilarak eragin ditu AP-8an, Elgoibar parean eta Bilborako noranzkoan. Bide berean, baina Donostiarako bidean, bi ibilgailuk talka egin dute Itziarko tunelaren barruan, eta lau kilometrorainoko ilarak sortu dira.