Publizitatea
Itxi

2016/01/21

16:15

Donostia 2016

Urtarrilak 23

Donostia 2016ko inaugurazio-ekitaldi nagusian 50.000 lagun espero dira

EiTB

Hansel Cerezak, La Fura dels Bausen kide fundatzaileak, sortu du ekitaldia eta urtarrilaren 23an, 20:00etan izango da Maria Kristina zubiaren inguruan.

1:29
  • Whatsapp
  • Whatsapp
  • Telegram
  • Bidali

Donostia 2016 Fundazioak, Hansel Cereza zuzendari artistikoari, ‘Hiriburutzaren balioak islatuko dituen eta hiriaren memorian geratuko den ikuskizun bat’ enkargatu zion.  Cerezak, 1992ko Bartzelonako Joko Olinpikoen inaugurazio-ekitaldiaren ikuskizuna diseinatu zuen, baina oraingo honetan giza faktorea eta faktore teknikoa, biak, dira garrantzitsuak. Berton, donostiar guztiek parte hartzeko aukera izango dutelarik.

Ekitaldian, Hiriburutzaren helburuak irudikatuko dituen argi eta soinuzko Elkarbizitzaren zubi sinbolikoa eraikiko da. Zuzendari katalanak esan duenez ‘sekula ez da inaugurazio-ekitaldi batean herritarrak ikusle huts izatetik protagonista izatera pasatzeko apustua egin, ez, behintzat larunbatean egingo dugun moduan’. Elkarte kultural eta sozialek rok garrantzitsua izango dute ikuskizunean.

Hansel Cerezaren emanaldiak, euskal kultura eta Herritmo ikuskizunean, Oreka TX, Kalakan eta Kukaiekin batera sortu zuen ikuskizuna, zuzendari artistiko gisa egindako lana oinarritzat hartu du.

Ibaia lekuko, herritarrak protagonista

Maria Kristina zubia agertoki ikusgarri bilakatuko da argi-kanoiak, led-ak, proiektoreak….erabiliz.  Herritarrek Mundaiz eta Santa Katalina zubietatatik eta ibaiertzetik jarraitu izango dute Elkarbizitzaren zubia ikuskizuna. Espazio honetan, 50.000 ikusle baino gehiagorentzat tokia egongo da.

Ikusleak parte hartzera gonbidatuta daude, horretarako, Maria Kristina zubiaren inguruan 50.000 flyer banatuko dira Mikel Laboaren ‘Baga, biga, higa’ abestiaren letrarekin. Abesti honek garrantzi berezia izango du ospakizunean.

4 pantaila erraldoi jarriko dira Frantzia, Gernika eta Federico Gacia Lorca pasealekuetan ikuskizuna errazago jarraitzeko. Gainera, telebistaz ere zuzenean jarraitu ahal izango da ETB2 eta  La 2 kateetan.

  • Bisitatuena

      Kargatzen ikusiena
      Kargatzen ikusiena
    ;