Publizitatea
Itxi

Donostia 2016

Donostia 2016

2016/05/26

16:02

Donostia 2016

Gertutik

Hariei tiraka

Xabier Larrazabal | EITB

Zapatuan hasita txotxongiloen munduko jaialdia egingo da Donostia eta Tolosa artean, mundu osotik etorritako ia 40 konpainiak eskainiko dituzten ikuskizunekin

  • Whatsapp
  • Whatsapp
  • Telegram
  • Bidali

“Txotxongiloak ez dira panpinak: bizidun panpinak dira”. Hori dio Idoia Otegi, TOPIC Tolosako nazioarteko txotxongiloen zentruko zuzendariak.  Panpinok bizidun bihurtzeko ordea, euren hariei tira egingo dietenak behar dira, eta  era berean, bizi hori hariek eragiten dutela ahaztuko duen publikoa. Osagai hauek guztiak bilduko ditu larunbatean hasita World Puppet Festivalak, lau urterik behin munduko leku batean egiten den nazioarteko txotxongilo jaialdiak.

Guztira jaialdian parte hartuko duten ia 40 konpainiek  240 emanaldi eskeiniko dituzte Donostia eta Tolosako kale eta aretoetan. Gehienak hala ere, kalean: “Txotxongiloen mundua ezezaguna da oraindik eta horregatik ikuskizunak jendearengana eraman nahi izan ditugu, jendeak txotxongiloekin edozein txokotan egin dezan topo”, dio Otegik.

Bertako konpainiez gain, Austria, Belgika, Brasil edota Japoniako taldeak daude programazioan. Bakoitza bere estilo eta kulturatik abiatuta arituko da. Otegiren esanetan “txotxongilo txikiak ikusiko dira, mugitzeko garabiak beharko dituzten txotxongilo handiak ere bai, eta poxpolo kutxa txiki baten barruan egindako eta pantaila erraldoi bidez proiektatuko ikuskizunak ere izango dira”.

Itziar Zoritak darama proiektuaren ardura Donostia 2016ren barruan: “Milioika txotxongilo estilo daude, tradizionalak zein gaur egungoak. Zinea bezala da mundu hau, ezin da esan zine bakarra dagoenik”. Horri lotuta nabarmendu du arte hau umeentzako soilik dela esatea ez dela zuzena,eta jaialdian adin guztiei zuzendutako ikuskizunak eskeiniko direla.

Txotxongilo festa larunbatean gaueko 22:00etan Tol Theatre Belgikako konpainiak eskeiniko duen “Pedaleando hacia el cielo” ikuskizunak irekiko du ofizialki.

World Puppet Festival jaialdia ekainaren 5a arte luzatuko da, eta bien bitartean UNIMA txotxongiloen nazioarteko  elkartearen mundu mailako kongresua egingo dute Tolosan, eta txotxongilo erakusketak ere antolatu dira TOPICen eta Donostiako Okendo kultur etxean.

  • Bisitatuena

      Kargatzen ikusiena
      Kargatzen ikusiena