F Liga 2025/2026

Realak 3-1 irabazi dio Alhamari. Emma Ramirezek, Nerea Eizagirrek eta Edna Imadek sartu dituzte golak. Talde txuri-urdina indartsu dago, eta Europako postuetan egonkortzen ari da.

Athleticek 1-5 irabazi dio Granadari etxetik kanpo, eta bolada onean dela berretsi du. Ane Azkonak partida bikaina egin du eta hiru gol sartu ditu. Ligan gaizki hasi ziren zuri-gorriak, baina azken hiru jardunaldietan gora egin dute, eta berdinketa bat eta bi garaipen lortu dituzte horrela.

Bana amaitu da Realaren eta Athleticen arteko derbia Anoetan. Partida parekatua izan da. Zuri-gorriak aurreratu dira markagailuan, Agotek sartutako golari esker. Nerea Eizagirrek luzapenean lortu du berdinketa Realarentzat, penaltiz.

Reala olatu aparretan dabil. Talde txuri-urdinak 2-3 irabazi dio Espanyoli Bartzelonan. Zazpigarren garaipena du, hamar jardunalditan, eta hirugarren postuari eutsi dio ligan.

Athletic 2-0 gailendu zaio Eibarri Lezaman jokatu duten derbian. Ane Camposek, Eibarreko jokalari ohiak, sartu du lehen gola, eta Ane Azkonak egin du bigarrena. Horrenbestez, talde zuri-gorriak denboraldiko lehen garaipena lortu du Moeve Ligan, armaginen kaltetan.

Realak 1-0 irabazi dio gaur Bartzelonari Zubietan, Edna Imadek penaltiz sartutako golari esker. Historian lehen aldiz garaitu du talde txuri-urdinak Barça. Alexia Putellas eta Aitana Bonmatiren taldeak 2025eko maiatzean galdu zuen azkenekoz ligan.

Athleticek hutsean berdindu du Logroñoren aurka Lezaman jokatu duen partida. Liga hasi zenetik talde zuri-gorriak ez du garaipenik lortu, eta jaitsiera postuetatik puntu bakarrera dago.

Eibarrek garaipen garrantzitsua lortu du Ipuruan, Deportivo aurkari zuzenaren aurka. Sara Martinek sartu du armaginen gola. Gaurkoa denboraldi honetan etxean lortu duten lehen garaipena da.

Eibarrek ondo eutsi dio Realari lehen zatian, baina Edna Imadek partida erabakita utzi du atsedenaldiaren ostean, bi gol sartuta. Hirugarrena Lavogezek egin du, neurketaren azken minutuan.

Real Madrilek Athletic jipoitu du, 1-4, San Mamesen, ia 10.000 zaleren aurrean, F Ligako 7. jardunaldian. Hortaz, zuri-gorriak azken-aurreko postuan dabiltza.

Denboraldiko partidarik biribilena egin dute armaginek Kanaria aldean, eta Carmen Alvarezek 86. minutuan egindako golari esker eskuratu dituzte hiru puntuak. 

Galtzen hasi arren, markagailua irauli dute txuri-urdinek, eta, hiru puntuak Donostiara eramango zituztela zirudienean, batekin konformatu behar izan dute.

Eibarrek ezin izan dio aurre egin Bartzelona liderrari eta 0-4 galdu du F Moeve Ligako 6. jardunaldian.

Realak 1-2 galdu du Costa Adeje Teneriferen aurka gaur goizean Zubieta Estadioan. Txuri urdinak behetik gora egin dute eta, bigarren zatian aukera garbiak izan dituzten arren, denboraldiko lehen porrota jaso dute.

Athleticek bana berdindu du Atletico Madrilekin F Moeve Ligako 6. jardunaldian. Laurenek aurreratu du Madrilgo taldea, baina ia jarraian Amezagak berdinketaren gola sartu du.

Athleticek 1-1 berdindu du Sevillaren aurka F Moeve Ligako 5. jardunaldian. Nevadok aurretik jarri ditu zuri-gorriak penaltiz, baina Alvarezek gola egin du markagailua parekatzeko.

Eibarrek 0-1 irabazi dio Levanteri F Moeve Ligako 5. jardunaldian. Clementek sartu du partidako gol bakarra lehen zatian, armaginei denboraldiko lehen garaipena emateko.

Realak laugarren garaipena jarraian lortu du Badalona mendean hartuta, Edna Imade eta Lucia Pardoren golei esker, eta F Moeve Ligako goiko postuetan kokatu da.

Realak 2-1 irabazi dio Levanteri F Moeve Ligako 4. jardunaldian. Nerea Eizagirrek sartu ditu txuri-urdinei hirugarren garaipena eman dieten bi golak.

Javi Lergaren taldea 30. minutuan geratu da jokalari bat gutxiagorekin, epaileak Bibi kanporatu baitu; jokaldi horretan, gainera, Espanyol aurretik jarri da, penaltiz. Bigarren zatian, baina, 72. minutuan, Jone Amezagak berdinketa jarri du markagailuan. 

Eibarrek 3-1 galdu du Granadan F Moeve Ligako 4. jardunaldian. Cardozok bere atean sartutako golari esker aurreratu den arren, Granadak partida irauli du bigarren zatian.

Eibarrek golik gabeko berdinketa lortu du Levante Badalonaren aurka Ipuruan jokatu duen F Moeve Ligako hirugarren jardunaldiko partidan.

Athleticek 1-0 galdu du Deportivoren aurka Riazorren jokatu duen partida, eta, ondorioz, garaipenik lortu gabe jarraitzen du F Ligan. Talde zuri-gorriak puntu bakarra batu du lehendabiziko hiru jardunaldietan.

Realak 3-0 irabazi dio Sevillari Zubietako zelaian jokatu den F Moeve Ligako 3. jardunaldiko partida. Aiara Agirrezabala, Lucia Pardo eta Intza Eguiguren izan dira golegileak.