Bitxikeriak -
'Heriotzaren izarra'
'Planetak suntsitzeko estazioa' eraikitzea baztertu du Etxe Zuriak
"Etxe Zuria ez dago planetak suntsitzearen alde", adierazi du bozeramauile batek. Etxe Zuriak 35.000 pertsonak baino gehiagok sinatutako eskaerari erantzun behar izan dio.
Erredakzioa
Etxe Zuriak "Heriotzaren Izarra" eraikitzeko herritarren eskaera baztertu du. "Heriotzaren Izarra" Galaxien Gerra filmean agertzen den estazio espaziala da, planetak suntsitzeko erabiltzen dutena.
"Administrazioak enpleguak sortzeko eta nazioaren defentsa indartzeko agertzen duzuen asmoa partekatzen du, baina ez dugu Heriotzaren Izarra eraikitzeko inolako asmorik", esan du Paul Shawcross Zientzia eta Espazioa saileko aurrekontu-bulegoko bozeramaileak, 35.000 pertsonak sinatutako eskaerari erantzuteko.
"Gainera, Etxe Zuria ez dago planetak suntsitzearen alde", azpimarratu du Shawcrossek. Bere kalkuloen arabera, estazio hori eraikitzeko 850.000 bilioi dolar beharko lirateke (650.000 bilioi euro inguru). "Ez dugu defizita handitu nahi, murriztu egin nahi dugu", esan du.
Humorea
Shawcroseen erantzuna Galaxien Gerra filmeetako zaleei egindako keinuez beteta egon da. Adibidez, "Heriotzaren Izarra" espaziontzi bakar batek suntsitzen duela adierazi du, ondorioz, "zertarako hainbeste diru gastatu espaziontzi bakar batek suntsitzeko gai den estazio batean?".