Fagor -
Catak erosi du Fagor
Mondragon Taldeak lankidetza eskaini dio Catari
Era berean, "pozik" agertu da epaileak Fagor Etxetresnen eta Edesaren aktiboak Cata-CNA taldeari esleitzeagatik.
Mondragon Taldea “pozik” agertu da epaileak Fagor Etxetresnen eta Edesaren aktiboak Cata-CNA taldeari esleitzeagatik eta Kataluniako taldeak konprometitu dituen enpleguengatik. Era berean, proiektu berriari begira lankidetza eskaini du.
Oharra kaleratu du Mondragon Taldeak arratsaldean eta erabakiarekin pozik agertzeaz gain, aurrez ezarritako epeak bete izana nabarmendu du.
“Produkzio zentroak mantentzeari buruz Cata-CNA taldeak esan duen guztia eta jardueraren zati handiena Euskal Herrian mantentzea” azpimarratu du oharrean Mondragon Taldeak. Enpresa proiektu berriari arrakasta ere opa dio MCCk.
