Ekonomia -
Urtarrileko datuak
EAEn eta Nafarroan jaitsi da gehien etxebizitzen salerosketa
EAEn % 10,6 eta Nafarroan % 9,5 egin du behera etxebizitzen salmentak. Espainian ordea, % 18,9 hazi da.
Erredakzioa
Etxebizitzen salerosketak behera egin du EAEn, zehazki % 10,6 2013ko urtarrilean, iazko hilabete berarekin alderatuta. Espainian ordea, % 18,9 egin du gora, INE Estatistika Institutu Nazionalaren datuen arabera.
Urtarrileko datuak kontuan hartuta, EAE da etxebizitzen salerosketa gehien jaitsi den erkidegoa, eta jarraian, Nafarroa (% 9,5 egin du behera).
EAEn urtarrilean egon diren eragiketa kopurua 1.302koa izan da, hau da, 2012ko hilabete berarekin alderatuta, 153 eragiketa gutxiago.
