Ekonomia -
Senitarteko baten heriotza
Lau eguneko baimena kritikatu du CEOEk
Dagoeneko bidaiak "diligentziaz egiten ez" direla azaldu du patronalak. Gainera, urte bakarrean lau baja dituzten langileei aurreneko 15 egunetan zigortzea proposatu du.
Erredakzioa
Langileen Estatutuak senitarteko baten heriotzagatik ematen duen lau eguneko baimena kritikatu du Jose de la Cavada CEOEko lan-harremanetako arduradunak, "jadanik bidaiak diligentziaz egiten ez direlako".
Adeccok lana huts egiteen bigarren txostena aurkeztu du Madrilen, eta De la Cavadak hitza amaieran hartu du. Langileen Estatutua "bidaiak diligentziaz egiten direla pentsatuz egin zuten, senitarteko baten heriotzagatik lau eguneko baimena ematen baititu. Gaur eguneko ibilgailuekin ordu batzuetako bidaiak izaten dira, edo ordubetekoak".
Gainera, urte bakarrean lau baja dituzten langileei aurreneko 15 egunetan zigortzea proposatu du CEOEk, "inguruko beste herrialde batzuetan egiten den antzera".
