Ekonomia -
2015eko kontuak
Osoko zuzenketa aurkeztuko die PSNk Nafarroako aurrekontuei
Horrela, 2014ko kontuak luzatu beharko ditu Nafarroak 2015ean, hirugarren urtez jarraian. Aurrekontua onartzeko Parlamentuaren “babesa eta akordioa” eskatu ditu Goicoecheak.
Erredakzioa
2014ko aurrekontuak luzatu beharko ditu Nafarroak segur aski; izan ere, PSNk osoko zuzenketa aurkeztuko dio 2015eko Aurrekontu Orokorren proiektuari. Honenbestez, Nafarroako Gobernuak aurkeztutako kontuen aurka egingo dute sozialistek.
Sozialistek osoko zuzenketa aurkeztuko dutela baieztatu dute PSNko iturriek.
Gobernuak PSNren erabakia espero zuen. Proiektua salbatzeko autua egingo ez zuela uste zuen Nafarroako Exekutiboak. 3.797,25 milioi euroko gastua aurreikusi du Gobernuak datorren urterako.
Horrela, lege-proiektua onartzeko Parlamentuaren “babesa eta akordioa” eskatu ditu Lourdes Goicoechea Ekonomia kontseilariak arratsaldean.
