Ekonomia -

Abuztuko datuak

Hipoteka kopurua % 23,5 eta % 36,5 hazi da EAEn eta Nafarroan abuztuan

Euskal Autonomia Erkidegoan etxebizitzak erosteko 1.063 hipoteka berri sinatu dira abuztuan, eta Nafarroan, berriz, 277.

Etxebizitzak erosteko % 23,5 eta % 36,5 hipoteka gehiago sinatu dira EAEn eta Nafarroan. EiTB
Etxebizitzak erosteko % 23,5 eta % 36,5 hipoteka gehiago sinatu dira EAEn eta Nafarroan. EiTB
Etxebizitzak erosteko % 23,5 eta % 36,5 hipoteka gehiago sinatu dira EAEn eta Nafarroan. EiTB

AGENTZIAK | ERREDAKZIOA

Whatsapp Facebook Twitter Telegram Email

Etxebizitzak erosteko hipoteka kopuruak % 36,5 eta % 23,5 egin zuen gora, hurrenez hurren, Nafarroan -277 hipoteka- eta Euskal Autonomia Erkidegoan -1.063 hipoteka- abuztuan, aurreko urteko hilabete bereko datuekin alderatuta.

Espainiako Estatistika Institutuak emandako datuen arabera, abuztuan uztailean baino % 3,8 hipoteka gutxiago sinatu dira EAEn, eta % 18,8 gutxiago, Nafarroan.

Maileguan utzitako diru kopuruari dagokionez, Nafarroan 27,63 milioi euro utzi dira maileguan; 2014ko abuztuan baino % 37,1 gutxiago eta 2015eko uztailean baino % 13,4 gutxiago. EAEn, berriz, iazko abuztuan baino % 24,7 gehiago utzi dute maileguan finantza erakundeek, baina 2015eko uztailean baino % 10,2 gutxiago.

Bestalde, Espainiako Estatuan hipoteken hazkundea % 25,8koa izan da abuztuan, aurreko urteko abuztuko datuekin alderatuta. Guztira, etxebizitzak erosteko 19.272 hipoteka sinatu dira eta 2.010 milioi euro mailegatu dira abuztuan.

Hau zure interesekoa bada, baliteke beste gai hauek ere izatea
Nafarroako albisteak Euskal Autonomia Erkidegoa Hipotekak berriak Gaurko titularrak Albisteak Higiezinen merkatua gaur