Ekonomia -

zorroztasun-greba

Gasteizko udaltzainek astelehenean bozkatuko dute Udalaren proposamena

Urtaranen Gobernuak ordura arte itxarongo du neurriak hartzeko.

Asko ugaritu dira isunak azken hiru hilabeetan. Argazkia: ETBko bideo batetik ateratako argazkia
Isunak Gasteizen. EiTB
Asko ugaritu dira isunak azken hiru hilabeetan. Argazkia: ETBko bideo batetik ateratako argazkia

Agentziak | Erredakzioa

Whatsapp Facebook Twitter Telegram Email

Gasteizko udaltzainek astelehenean, hilaren 26an, bozkatuko dute Gorka Urtaranen udal gobernuak helarazitako azken eskaintza. Urritik ari dira agenteak euren lan baldintzak hobetzeko presioa egiten, zorroztasun-greba baten bitartez.

Gobernuak jakinarazi duenez, asteartean sindikatuekin bildu ziren, eta proposamen berri bat egin zieten lan gatazka konpontzeko. Joan den astean, ultimatuma eman zien Urtaranek udaltzainei, eta greba bertan behera utzi ezean "neurri sendoak" hartuko zituela ohartarazi zuen.

Ia lau hilabete daramatzate agenteek zorroztasun-grebarekin, eta milaka isun jarri dituzte.

Sindikatuek ostiralean, hilaren 23an, azalduko diete eskaintza langileei, eta astelehenean bozkatuko dute.

Urtaranen Gobernuak bozketaren emaitza ezagutu arte itxarongo du neurriak hartzeko, Udalak ohar batean nabarmendu duenez.

Hau zure interesekoa bada, baliteke beste gai hauek ere izatea
Gasteizko Udala Gorka Urtaran albisteak Grebak gaur Ekonomia albisteak Gasteiz albisteak Gaurko azken orduko albistea