Argindarra ia % 10 garestituko da urtarrilean

Argindarrak % 9,9 egingo du gora urtarrilean, azken baliabidearen kudeatzaileen (Cesur) arteko hamairugarren enkantea % 21,3ko igoera batekin itxi ostean, urriko emaitzekin alderatuta, sektoreko iturriek jakitera eman dutenez.

4.000 megawatteko oinarrizko produktua 49,07 eurotan (Megawatt bakoitzeko) saldu da 2011ko lehen hiruhilekoarentzako, eta horrek % 4,5eko hazkunde bat suposatzen du.

Hala ere, behin beharrezko doikuntzak egin ostean, hau da, gaitasun ordainketak, arrisku-sariak edo kontsumo desbideraketak eskari handiko uneak betetzeko, azkenean igoera % 21,3an geratu da.

Nahiz eta igoera izan, argindarraren prezioa Espainian Europako merkeenetarikoa izaten jarraitzen duela azaldu dute sektoreko iturriek, besteak beste, Italiakoa, Frantziako, Alemaniako eta Britainia Handikoa baino merkeagoa.