Ekonomia -
Gasteiz
Ryanairrek Foronda-Kolonia lotura bertan behera utziko du ostiralean grebagatik
Ryanairrek Espainiako Estatuan dituen pilotuen protestek eragina izan zuten iragan uztailaren 25ean ere Gasteizko aireportuan.
agentziak | erredakzioa
Ryanair hegaldi merkeen konpainia irlandarrak bertan behera utziko ditu ostiralean 250 hegaldi Alemaniako pilotuen greba dela eta, tartean Foronda-Kolonia lotura.
Ryanairrek Espainiako Estatuan dituen pilotuen protestek eragina izan zuen iragan uztailaren 25ean ere Gasteizko aireportuan. Hala, bertan behera geratu ziren Gasteiz-Tenerife Sur eta Gasteiz-Sevilla hegaldiak.
Orain, Alemaniako pilotuek Irlandan, Suedian eta Belgikan deitu duten 24 orduko lanuztearekin bat egitea erabaki dute, soldata eta lan-baldintza hobeak lortzeko protesten baitan.
Kenny Jacobs Ryanairren ordezkariak gaur prentsaurrekoa eman du Alemanian, eta jakinarazi du kaltetutek hegaldia alda dezaketela doan, edo dirua berreskuratu.
