Ekonomia -
En Perpignan
Gizon bat zendu da trafiko istripuan, Perpignanen, 'txaleko horien' protesta batean
Bere ibilgailuak larrialdietako argiak piztuta geldituta zegoen kamioi baten kontra jo du.
Agentziak | Erredakzioa
36 urteko gizon bat hil da Perpignanen, bere ibilgailuak geldituta zegoen kamioi baten aurkaren kontra eginda, ‘txaleko horien’ protesta batean.
Kamioia errepidean geldituta zegoen, larrialdietako argiak piztuta, "txaleko horien" protesta batean. Gidaria manifestariekin ari zen hitz egiten. Horietako hiru istripua izan duen gizonari lagundu diote, baina ezbeharra gertatu eta 15 minutura hil egin da.
"Txaleko horien" mobilizazioen seigarren larunbata da. Azken asteetan manifestazioak egin dituzte, errepideak moztu dituzte eta istilua izan dira Frantziar estatu osoan zehar. Exekutiboaren erreformen aurka protesta egiten dute.
Larunbat honetan, Versaillesko Jauregian dago protestaren erdigunea. Milaka manifestari espero dute, hiriburutik 20 kilometrora.
Saltokiek, jatetxeek eta hotelek etekinik izan ez dutenez, milioika euro galdu dituzte, Gabonen atarian. Hala ere, mobilizazioek indarra galdu dute azken egunetan. Aurreko astean, 66.000 manifestari irten ziren kalera, eta azaroaren 17an 300.000 izan ziren.
