Sindikatuek akordioa sinatu dute AENArekin

Aireportuetan deitutako 22 greba egunak bertan behera uzteko eskaera astelehenean aurkeztuko dute sindikatuek Lan Ministerioan. AENArekin akordioa sinatu dute sindikatuek arratsaldean.

USO, CCOO eta UGT sindikatuetako ordezkariek sinatu dute akordioa Juan Lema AENAko presidentearekin. Ondorioz, greba deialdia bertan behera geratu da.

AENAko langileen% 70 inguruk (guztira ia 11.000 dira) babestu dute -aire-kontrolatzaileak talde horretatik kanpo daude- CCOOren, UGTren eta USOren artean lortutako aurreakordioa eta, horrela, Aste Santu eta udarako deituta zeuden 22 greba egunak bertan behera utzi dituzte, sindikatuetatik zabaldu dutenez.

Bozketa honakoek egin dute: suhiltzaileek, matentze-lanetako langileek, ingeniariek, informatikariek, pistetan seinaleak jartzen dituztenek, administratzaileek, operazioen teknikariek, bidaiari erabiltzaileentzako arreta zerbitzukoek eta aireportuen sare publikoaren bezeroek.

Aurreakordioa onartzeak suposatzen du Aste Santu eta udarako iragarri zituzten 22 lanuzteak bertan behera utzi dituztela, lanuzteak apirilaren 20, 21, 24, 25 eta 30erako, maiatzaren 2, 14, 15, 19 eta 20rako, ekainaren 13, 23 y 30rako, uztailaren 1, 2, 3, 4, 15 y 31rako eta abuztuaren 1, 15 eta 31rako zeuden deituta.

Onartutako agiriak AENAren egungo lan-hitzarmena Aena Aireportuak-era zabalduko du, etorkizunean sor litezkeen sozietatetara eta sozietate emakidunera ere bai. Horrela, taldearen lehenengo Hitzarmen Kolektiboa izango da, eta 2018ko abenduaren 31era arte egongo da indarean.

Blanco, pozik

Jose Balnco Sustapen ministroak esan du greba bertan behera uztea "albiste oso-oso ona" dela eta Espainiako ekonomia suspertzen lagunduko duela, turismoaren bidez, eta, iragarri duenez, 2011 "urte oso ona" izango da aire-zirkulazioa handituko delako.