Ekonomia -
Astelehen honetatik aurrera
Gipuzkoako adinekoen egoitzetako langileek lanuzte berriei ekingo diete gaur
Maiatzaren 10era bitartean, guztira, 27 greba egun egingo dituzte. ELA sindikatuak salatu duenez, lan-gatazka 'oso larria' da.
AGENTZIAK | ERREDAKZIOA
Gipuzkoako adinekoen egoitzetako langileek lanuzte berriak egingo dituzte, gaur hasi eta datorren maiatzaren 10era bitartean. Guztira, 27 greba egun egingo dituzte.
Hiru txandatan egingo dute greba gaur hasi eta datorren maiatzaren 10era bitartean: gaurtik apirilaren 12ra, apirilaren 26tik 30era eta maiatzaren 1etik 10era.
Orotara, 5.000 langile daude greba egitera deituta.
ELA sindikatuak jakitera eman duenez, Gipuzkoako Foru Aldundi parean, Donostian, elkarretaratzea langileek 11:30ean, eta ondoren bertatik abiatuko dira manifestazioan. Adolfo 'Txiki' Muñoz ELAko idazkari nagusiak parte hartuko du mobilizazioan.
Sindikatuak gogora ekarri duenez, lan-gatazka hasi zenetik 65 greba egun egin dituzte langileek, eta horren iritzian, auzia "oso larri" bilakatu da. Horren esanetan, "ELAk, Adegik eta Matiak adostutako akordioa sabotatu dute" Gipuzkoako Foru Aldundiak eta Maite Peña Gizarte Politiketarako foru ahaldunak, eta "gezurretan ari dira".
BIDEOA: Gipuzkoako adineko egoitzetako lan-gatazka konpontzeko eskatu dute familiek:
