Zortzi hegaldi bertan behera Loiun eta Hondarribian, lurreko langileen greba tarteko

Iberia eta Vueling konpainien zortzi hegaldi bertan behera geratu dira gaur Loiuko eta Hondarribiko aireportuetan lurreko langileek deitua zuten greba dela eta. Bartzelonako El Prat eta Madrilgo Barajas aireportuko beharginek deitu dituzte lanuzteak.

Iberiaren arabera, Madril jomuga zuten bi hegaldi geratu dira bertan behera Bilboko Aireportuan: 09:25ekoa eta 13:10ekoa (azken hori Air Nostrumena). Horrez gain, Espainiako hiriburutik Bilboko Aireportuan lurreratu behar ziren beste bi ere aireratu ezinda geratu dira (07:30ekoa eta 11:25ekoa). Donostiako Aireportuan ere beste bi utzi dituzte bertan behera (Madril jomuga edo jatorri).

Vuelingek ere bi hegaldi utzi ditu bertan behera: Bartzelonara j19: 50ean joan behar zuen bat, eta Kataluniako hiriburutik Loiun 21:45ean lurreratu behar zuen beste bat.