Ekonomia -
Lan-gatazka
Renfeko aldiriko trenen langileek greba egingo dute San Tomas egunean, Bilbon
Enpresa-batzordeak greba deitu du azaroaren 29rako eta abenduaren 13 eta 21erako. Behargin kopuruaren murrizketa “etengabe eta sistematikoa” deialdiaren arrazoi nagusia.
Agentzia | Erredakzioa
Bizkaiko Renfe konpainiaren enpresa-batzordeak azaroaren 29rako eta abenduaren 13 eta 21erako (San Tomas eguna) greba deitu du Bilboko aldiriko tren zerbitzuan, UGT sindikatuak jakitera eman duenez.
Lanuzteak 8:00etatik 10:00etara eta 14.00etatik 16:00etara izango dira aurreneko bi egunetan; abenduaren 21ean, ostera, egun osoko greba egingo dute, 00:00etatik 23:00etara.
Behargin kopuruaren murrizketa “etengabe eta sistematikoa” deialdiaren arrazoi nagusia dela azaldu du enpresa-batzordeak.
Langileen ordezkarien arabera, enpresako zuzendaritzarekin zenbait bilera egin ondoren, akordio bat adostea ez da posible izan; horregatik zenbait greba egun deitzea erabaki dute.