63.241 langileri eragingo dieten 8.932 lan erregulazio txosten aurkeztu dituzte EAEn

Kopuruak gora egiten jarraitzen du egunero, aurreko egunean baino 1.700 aldi baterako lan erregulazio txosten eta 12.000 langile gehiago baitira.

agentziak | erredakzioa

publikatuta: 2020/03/24 16:42 (UTC+1)

azken eguneratzea: 2020/03/25 08:42 (UTC+1)

Gaurdaino 63.241 langileri eragiten dieten 8.932 aldi baterako lan erregulazio txosten aurkeztu dituzte koronabirusaren ondorioz EAEn, Lan Zuzendaritzak sindikatuei eta patronalari bidalitako jakinarazpenean agertzen denez.

Lurraldeka, Gipuzkoan 21.284 langileri eragiten dieten 2.844 txosten aurkeztu dituzte; Bizkaian, 30.127 langileri eragiten dieten 4.741; eta Araban, 11.830 langileri eragiten dieten 1.347.

Zenbaki horiek esku artean, gaur arte 63.241 izango dira 8.932 txostenek kaltetutako langileak koronabirusak jarduera ekonomikoan izan duen eraginagatik. Ondorioz, kopuruak gora egiten jarraitzen du egunero, aurreko egunean baino 1.700 aldi baterako lan erregulazio txosten eta 12.000 langile gehiago baitira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Bizkaia Gipuzkoa Araba Euskal Autonomia Erkidegoa Lana ABEEE berriak Ekonomia Eguneko albisteak Albisteak Enpresaburuak Koronabirusa

63.241 langileri eragingo dieten 8.932 lan erregulazio txosten aurkeztu dituzte EAEn

Esteka kopiatuta