Ekonomia -
Koronabirusa
217.000 langile baino gehiagori ezarri diete lan-erregulazioa Euskal Herrian
Bizkaian 12.992 aldi baterako lan-erregulazio plan aurkeztu dituzte; Gipuzkoan, 8.747; Nafarroan, 6.637; eta Araban, 3.646.
Agentziak | Erredakzioa
Euskal Autonomia Erkidegoan 175.538 langileri ezarri dizkiete aldi baterako lan-erregulazio planak, Enplegu eta Justiziak Sailak gaur jakinarazi duenez.
Guztira, 25.385 onartu dituzte EAEn. Atzo, esaterako, 228 aurkeztu ziren.
Bizkaian 12.992 aldi baterako lan-erregulazio txosten aurkeztu dituzte; Gipuzkoan, 8.747; eta Araban, 3.646. Kaltetutako langileak, berriz, 83.068 dira Bizkaian; 56.514, Gipuzkoan; eta 35.956, Araban.
Nafarroan 41.495 langileri ezarri diete aldi baterako lan-erregulazio espedientea, Foru Gobernuak ostiral honetan emandako datuen arabera. Zenbat plan onartu dituzten, baina, ez du argitu.
Alarma egoera ezarri zenetik guztira 6.637 aldi baterako enplegu-erregulazioko espediente erregistratu dira erkidegoan, horietatik ia 5.000 lehen astean zenbatu ziren.
Ebazpenaren zain dauden bitartean -ezinbesteko arrazoi bati erantzuten dutenen kasuan baiezkoak izango dira-, Gobernuak uste du aldi baterako lan-erregulazioen eskaeren bolumen handiena dagoeneko igaro dela.
