Lehendakaria Bizkaiak betoa jarritako gaiez hitz egin duelako poztu da

Lehendakariak, Patxi Lopezek, gaur esan duenaren arabera, Bizkaiko diputatu nagusiak, Jose Luis Bilbaok, "betoa jarritako gaiez" hitz egiteko prest dagoelako poztu da. Hori da lehendakariak kazetarien Bizkaiko Foru Aldundiak Gipuzkoakoari eta Arabakoari Ondarearen Gaineko Zerga berreezartzeko proposamenaren inguruko galderei emandako erantzuna.

Lehendakariak uztailaren 20an hiru lurraldeetako aldun nagusiekin izandako bilera batean Ondarearen Gaineko Zerga ezartzea proposatu zion Jose Luis Bilbaori, baina ez zuen Bizkaiko Foru Aldundiaren babesik jaso.

"Ekainean hasi ahal izan genuen gai hori lantzen, eta Euskal Herrian egin nahi duguna jasotzen duen proiektua aztertuagoa eta aurreratuagoa izango genuke", esan du.

Hala ere, adierazi duenez, "pozgarria da iritziz aldatzen dela eta gain horren inguruan lan egiten hasi gaitezkeela ikustea".