Industriaren jarduerak % 14,5 egin zuen behera abuztuan EAEn

EAEko industria ekoizpenak % 14,5 egin zuen behera abuztuan 2019ko hilabete beraren aldean, INE Espainiako Estatistika Institutuak zabaldutako datuen arabera.

Ondasunen helburu ekonomikoaren arabera, Euskadiko kontsumo-ondasunen urte arteko tasa – % 7,98koa izan zen, kontsumo iraunkorreko ondasunen kasuan % 6,76koa; – % 10,63koa, kontsumo ez-iraunkorreko ondasunen kasuan; – % 15,91koa, ekipamendu-ondasunen kasuan; – % 7,94koa, bitarteko ondasunen kasuan, eta – % 31,35ekoa, energiaren kasuan.

Urtea hasi zenetik, EAEko industria ekoizpenaren beherakada % 16,6koa izan da. Urtarriletik jaitsierak bata bestearen atzetik pilatu ditu. Industriaren jarduerak hondoa jo zuen apirilean, % 39,93 ko jaitsierarekin, eta maiatzean beherakada % 31,21ekoa izan zen. 

Estatu espainiarrean, abuztuan urteko jaitsiera apaldu egin da, % 5,7ra arte. Dagoeneko zortzi hilabete daramatza negatiboan.