Ekonomia -
Lan-istripua
Lapuebla de Labarcako alkate ohia eta haren senide bat hil dira, lan istripuan
Lapuebla de Labarcako upategi batean, mahatsa biltzeko depositu batean erori da bietako bat. Bigarrena ere bertan jausi da, lankidea erreskatatzen saiatu denean.
AGENTZIAK | ERREDAKZIOA
Daniel Espada Lapuebla de Labarcako alkate izandakoa (56 urte) eta haren senide bat (53 urte) hil dira arratsalde honetan Lapuebla de Labarcako upategi batean izandako istripuan.
Eusko Jaurlaritzako Segurtasun Sailak jakinarazi duenez, ezbeharra 19:40 inguruan gertatu da eta ikerketa bat jarri dute abian nola jazo den argitzeko.
Antza, beharginetako bat mahatsa biltzeko depositu batean erori da. Lankidea laguntzen saiatu zaio, baina bera ere barrura jausi da. Biak bertan hil dira.
Bi dolu egun
Maite Cordoba jarduneko alkatearen asmoa da gaurko egunean zehar ezohiko bilera batera deitzea Udalbatza, "herria hunkitu duen ezbehar larria" dela eta. Aurreikusitakoaren arabera, bi dolu egune zarriko dituzte.