Ekonomia -

Moves Plana, Euskadin

Energia alternatiboak erabiltzen dituzten ibilgailuak erosteko laguntzak, indarrean

Gasolinarik edo dieselik erabiltzen ez duten autoen eta furgoneten salerosketara bideratuko dituzte laguntzak. Gainera, ibilgailu elektrikoak kargatzeko guneak ere diruz lagunduko dituzte.

Kargatzen ari den auto elektriko bat. ETBren bideo batetik ateratako irudia
Energia alternatiboak erabiltzen dituzten ibilgailuak erosteko laguntzak, indarrean
Kargatzen ari den auto elektriko bat. ETBren bideo batetik ateratako irudia

EiTB.EUS

Whatsapp Facebook Twitter Telegram Email

Euskadin astearte honetan indarrean sartu den Moves Planari esker, diru-laguntzak jasoko dituzte energia alternatiboak erabiltzen dituzten ibilgailuen erosleek. Horretarako, Energiaren Euskal Erakundearen webgunearen bidez eskatu beharko dituzte laguntzak.

Hain zuzen ere, gasolinarik edo dieselik erabiltzen ez duten autoen eta furgoneten salerosketara bideratuko dituzte laguntzak. Gainera, ibilgailu elektrikoak kargatzeko guneak ere diruz lagunduko dituzte, baita bizikleta elektrikoen alokairu zerbitzuak ere.

Aurreikusitakoaren arabera, ibilgailu motaren (elektrikoak, hibridoak, hidrogenozkoak, gas naturala erabiltzen dutenak...) araberakoak izango dira laguntza ekonomikoak. Bestalde, kontuan izango dute, baita, ibilgailu zaharra txatarrerako den ala ez. Lortu nahi dutena da urtebetean 600 ibilgailu jasangarri saltzea Euskadin.

Estatuko Aldizkari Ofizialean ekainaren 17an onartu zuten Moves Plana. Horrek esan nahi du egun horretatik aurrera egindako erosketa guztiei aplikatuko zaiela deskontua.

Guztira, 4,5 milioiko diru-laguntzak bideratuko dituzte Euskadin. 

Hau zure interesekoa bada, baliteke beste gai hauek ere izatea
Klima-aldaketa Euskal Autonomia Erkidegoa Ekonomia Eguneko albisteak Albisteak Ingurumena Dirulaguntzak Euskadin Energia kontsumoa Hidrogeno berdea Automobilgintzari buruzko albisteak