Klima Aldaketa

Europar Batasunak iragarri du Euro 7 arauaren aplikazioa 2025etik 2027ra atzeratuko dela auto eta ibilgailu arinentzat, eta 2027tik 2029ra kamioientzat. Hori dela eta, EITBk EAEko automobil-sektorearekin hitz egin du.

Arantxa Tapia Ekonomiaren Garapen, Jasangarritasun eta Ingurumeneko sailburuaren arabera, "epeak malgutu dira pixka bat, beharrezkoa zen, baina helburuak ez ditugu ahazten". Hori dela eta, azpimarratu du "errespetuz" eta "erantzukizunez" hartu dutela erabakia.

Basoa Fundazioko Aitor Onaindia elkarrizketatu dugu, gure baso-espezien bizirauteko estrategiak eta klima-aldaketaren ondorioz izan dezaketen etorkizuna ezagutzeko.

Klima aldaketak Gipuzkoan duen inpaktuari eta eragiten duen kalteberatasunari buruzko txostena aurkeztu du gaur Naturklimak. 2022ko datuak hartu dituzte kontuan, eta ondorio nagusienetako bat da XXI. mendeko urterik beroena izan zela.

EHUko ikertzaile batek unera arte egin den Anetoko izotzaren azterketa xehakatuenean parte hartu du. Oso glaziar txikitzat jotzen bada ere, Pirinioetako handiena da Anetokoa, baita Europa hegoaldeko handiena ere. Klima aldaketak haren desagerpena bizkortu du, mendikateko gainerakoen kasuan bezala.

Ozeanoen hileko batez besteko tenperatura erregistratzen hasi zenetik inoiz izan duen mailarik altuenean dago orain. 2023ko abuztuaren 15etik aurrera, munduko ozeanoen % 27k bero-bolada bat izan dute.

Datozen egunetarako ere tenperatura altuak aurreikusita daudenez, ura berotzen jarraitzea espero dute adituek. Batezbestekoak ere gora egin du azken 20 urteotan. Gradu bat beroago dago ur-azaleko temperatura.

Copernicus EBko klima-aldaketaren zerbitzuaren arabera, munduko ozeanoek inoizko tenperaturarik altuena erregistratu dute; 20,96 °C-ko tenperatura. Zientzialariek klima-aldaketa jotzen dute kausa nagusitzat. Hurrengo hilabeteetan tenperatura igotzea espero da, 'El Niño' fenomenoagatik.

Global Footprint Network ideien laborategiak egindako ikerketa bati esker jakin da gaur, urte hasi eta 214 egunetara, gizateriak planetak urte osorako sortutako baliabide guztiak agortu dituela. Beharrak erabat asetzeko, gizakiak 1,75 planeta beharko lituzke.

Unescok Venezia arriskuan dagoen ondarearen zerrendan jartzeko eskatuko du, irailaren 15etik 25era Riaden egingo den Unescoren Batzar Orokorrean. Arrazoi nagusia hiria turismo-masetatik, erreforma proiektuetatik eta klima aldaketatik babestea da.

2023ko uzgtaila inoizko beroena izaten ari da mundu osoan, erregistroak daudenez geroztik. Orain arte, batez besteko tenperatura 16,95 ºC-koa izan da, 2016ko uztaileko 16,63 ºC-ko errekorra gaindituz. Iraunkortasunaren Behatokiaren arabera, bero-boladak nabarmen larritu dira 2015etik.

Bero bolada global batean sarturik gaude, uztailean muturreko tenperatura historikoak erregistratu dira, eta horri lehortea gehitu behar zaio. Zientzialariek eta klima aldaketan adituek argi dute: orain Mediterraneoan gertatzen ari direnen gisako suteak ohikoak izango dira aurrerantzean.

AEBko hego-mendebaldeko 100 milioi biztanle inguru alerta egoeran daude muturreko beroagatik. Meteorologia Zerbitzu Nazionalak (NWS) adierazi duenez, astearte honetan hainbat marka gainditzea espero da. Death Valleyn, 1913an ezarritako 134 °Fko marka hautsi liteke (56,7 °C).

Izurriteen gorakadaren aurrean, nabarmen handitu da izurriteak kontrolatzeko enpresen beharra. Osasun publikoko arazoa da jada, eta etorkizunean gaixotasunen % 75en kausa izan daiteke.

Uda honetan Asia hegoaldean jasaten ari diren tenperatura altuek (37-38 ºC egunero) langile askoren ohiturak aldatzea ekarri dute. Arroza landatzen duten nekazariak, adibidez, gauez hasi dira lan egiten, eurentzat eta landarearentzat hobea delako.

Europako glaziarrek 880 kilometro kubiko izotz-bolumen galdu zuten 1977 eta 2022 artean. Besteak beste, Groenlandiako izotz-geruzaren bolumen galerak itsasoaren batez besteko maila 14,9 mm igotzea eragin zuen.

Nolakoak izan beharko lirateke gure hiriak muturreko tenperatuei aurre egiteko? Zuhaitzek eta berdeguneek berebiziko tokia izan beharko lukete hirian. Maria Ruiz de Gopegui BC3ko ikertzaileak onurak azaldu ditu.

Mikel Otero EH Bilduko legebiltzarkideak prentsaurrean salatu duenez, legegintzaldia dagoen unean "ez dago onartuko den bermerik".

Joshua Herranz itsas zoologoa da. Itsasoen eta bertako espezieen egoerarekin kezkatuta dago eta argi du guztion arazoa dela, ozeanoa guk uste baino garrantzitsuagoa baita.

Uraren tenperatura igoera hau oso azkarra izan da. Gaur duela hamar egun baino hiru gradu berago dago itsas azala. Tendentzia bera erregistratu du munduko beste itsasoetan ere Europar Batasuneko Aldaketa Klimatikoaren Copernicus zerbitzuak.