Publizitatea
Itxi

2020/10/26

13:55

Ekonomia

Lan gatazka

ELAk greba deitu du zaintza sektorean azaroaren 17rako

agentziak | erredakzioa

Hego Euskal Herri osorako antolatutako mobilizazioarekin zaintza profesionala, gehiena "pribatizatuta" dagoena, publikoa, "duina", unibertsala eta doakoa izatea eskatuko du.

  • Pertsona bat adineko bat zaintzen. Argazkia: Efe

    Pertsona bat adineko bat zaintzen. Argazkia: Efe

  • Whatsapp
  • Whatsapp
  • Telegram
  • Bidali

ELA sindikatuak "greba orokorra" egitera deitu ditu azaroaren 17an Hego Euskal Herrian egoera zaurgarrian dauden pertsonen (adinekoak, adingabeak, aniztasun funtzionala dutenak edo bazterkeria arriskuan daudenak) zaintzaz arduratzen diren sektoreetako langile guztiak, zaintza sistema publikoa aldarrikatzeko.

Mobilizazio horrekin zaintza profesionala, gehiena "pribatizatuta" dagoena, publikoa, "duina", unibertsala eta doakoa izatea eskatuko dute, sindikatuak azaldu duenez.

Grebak egoera bereziki zaurgarrian dauden pertsonen zaintza zerbitzuei eragingo die, hau da, etxeko laguntzak, eguneko zentroak, erresidentziak, etxebizitza komunitarioak, zaintzapeko pisuak eta aterpetxeak, besteak beste.

ELAk salatu du zaintza gehienak "pribatizatuta eta merkantilizatuta daudela, etekin ekonomikoa pertsonen zaintzaren gainetik jartzen duten enpresa pribatuen esku", eta gainera "diru publikoa" dutela oinarri.

Sindikatuarentzat, koronabirusaren pandemiarekin "zaintza sistemaren josturak urratu egin dira, eta ondorioak langileen bizkarrean erori dira berriro","egunero, oso baliabide urriekin, oso baldintza gogorretan bizitza arriskuan jartzen ari diren" langile horien gainean, hain zuzen ere.

ELAk zaintza sektoreko profesionalen lan-baldintzak "duinak" izatea eskatu du, tartean subrogazio bermea, enplegu zuzenaren eta azpikontratatuaren egonkortasuna, baina baita 10.000 profesional kontratatzea eta lan orduak % 100era igotzea ere (langileak kontrakoa eskatzen ez badu).

Sektorean dagoen genero arrakala deuseztatzeko "benetako" neurriak ere eskatu ditu, arreta zuzeneko ratioak hobetzea, bajak lehenengo egunetik ordezkatzea, lan osasuna bermatzeko neurriak eta pandemiaren ondorioak arintzeko "konponketa emozionala" eskaintzea.

  • Bisitatuena

      Kargatzen ikusiena
      Kargatzen ikusiena