Volkswagenek munduko ekoizle 'berdeena' izan nahi du

Volkswagen automobil ekoizle alemaniarrak munduko fabrikatzaile ekologikoena izan nahi du eta horretarako fabrikak berregituratuko ditu ekologikoagoak izan daitezen. Volkswagenek inoiz baino diru gehiago irabazi zuen iaz, 15.800 milioi euro.

Horixe jakinarazi zuen Martin Winterkorn Volkswagenen kontseilari ordezkariak Wolfsburgoko egoitza nagusian iazko diru kontuen aurkezpenean.

2015erako Europan saltzen dituzten autoek batez beste kilometroko 120 gramo CO2 baino gutxiago isurtzea jarri dute helburu.

Helburu hori lortzeko, ibilgailu bakoitza % 10-15 eraginkorragoa izan beharko da. Hala, auto berri guztietan eraginkortasuna indartzeko teknologiak aplikatuko dituzte, abiatzeko eta gelditzeko sistema, besteak beste.

Era berean, 2018rako 600 milioi euroko inbertsioa egingo dute energia berriztagarrietan. "Volkswagen automobilgintza industriaren barruan eredu izatea nahi dugu eta lortuko dugu", adierazi zuen Winterkornek.

Volkswagen automobil ekoizle alemaniarrak munduko fabrikatzaile ekologikoena izan nahi du eta horretarako fabrikak berregituratuko ditu ekologikoagoak izan daitezen. Volkswagenek inoiz baino diru gehiago irabazi zuen iaz, 15.800 milioi euro.Horixe jakinarazi zuen Martin Winterkorn Volkswagenen kontseilari ordezkariak Wolfsburgoko egoitza nagusian iazko diru kontuen aurkezpenean.2015erako Europan saltzen dituzten autoek batez beste kilometroko 120 gramo CO2 baino gutxiago isurtzea jarri dute helburu.Helburu hori lortzeko, ibilgailu bakoitza % 10-15 eraginkorragoa izan beharko da. Hala, auto berri guztietan eraginkortasuna indartzeko teknologiak aplikatuko dituzte, abiatzeko eta gelditzeko sistema, besteak beste.Era berean, 2018rako 600 milioi euroko inbertsioa egingo dute energia berriztagarrietan. "Volkswagen automobilgintza industriaren barruan eredu izatea nahi dugu eta lortuko dugu", adierazi zuen Winterkornek.