Ekonomia -
Ostiralean
BBKren batzar orokorrak kaleratzeak saihestea eztabaidatuko du
Proposamena egin dutenek, banketxeek kaltetuekin irtenbide "proportzionalak" bilatzea eskatzen dute.
Erredakzioa
BBKren ostiraleko batzar orokorrak kaleratzeak saihesteko proposamen bat eztabaidatuko du, egoera ekonomiko kaskarraren ondorioz, ordaindu ezineko egoeran eta etxea galtzeko arriskuan dauden familiei laguntzeko, Jaurlaritzaren kaleratzeak saihesteko zerbitzua martxan jartzen den bitartean.
Ekimenak PSE-EEko kontseilarien, ezker abertzalearen, CCOOren eta Ezker Batuaren babesa du, hau da, batzar orokorra osatzen duten 100 lagunetako 38ren babesa, Bizkaian utzarazpenak gelditzea eskatzen duen taldearen arabera.
Proposamenak, 360.000 euro arteko hipotekei eragingo lieke. Horren gainetik dauden kredituei, kopuru horretaraino soilik eragingo lieke.
Utzarazpenak gelditzea eskatzeaz gain, banketxeek kaltetuekin euren egoera ekonomikoarekin bat datozen irtenbide "proportzionalak" bilatzea eskatzen dute proposamena egin dutenek.
Bestetik, zorra kitatzeko "etxea ematearekin" nahikoa izatea eskatzen dute, ezustekoen ondorioz, ordaindu ezineko egoeran dauden familientzat.
Azkenik, proposamena onartuz gero, BBKko administrazio-kontseilura eramateko eskaera egin dute, bertako ordezkariek Kutxabankeko administrazio-kontseilura ere helarazteko.
