Ekonomia -
YPF-ren nazionalizazioa
Euroganberak Argentinari muga-zergetako hobariak kentzea eskatu du
Europako Parlamentuak "deitoratu" egin du herrialde horretako Gobernuak YPF desjabetu izana.
Erredakzioa
Europako Parlamentuko osoko bilkurak Argentinari muga-zergetako hobariak kentzeko deia egin dio Europar Batasunari (EB), YPFren nazionalizazioari erantzuteko.
EBk onurak ezartzen dizkie Argentinatik esportatutako produktuen % 27ri (2.400 milioi dolar inguru), hala nola biodieselari, soja olioari, ekilore-hazi olioari, legatz eta izkira xerra izoztuei, limoi zukuari, mandarinei eta mahatsei.
Muga-zergetako hobariak kentzea neurri zehatz bakarra izan da talde parlamentario nagusiek adostutako adierazpenean.
Hain zuzen ere, 'popularrek', sozialistek, liberalek eta euroeszeptikoek hitzartu dute. 458 boto izan ditu alde, 71 aurka eta 16 abstentzio.
Berdeak eta Ezker Bateratua taldeek baino ez dute bozkatu aurka, Argentinaren "subiranotasuna" defendatu baitute.
Adierazpenean, Euroganberak "deitoratu" egin du YPFren nazionalizazioa.
PSOEko eurodiputatuek muga-zergetako hobarian kentzearen aurka bozkatu dute, baina gainerako puntuak babestu egin dituzte.
