Ekonomia -
ESPAINIAKO KONGRESUA
Pedro Sanchez ziur dago Europako Batzordeak gasaren prezioari muga jartzea onartuko duela
Espainiako Gobernuko presidentearen esanetan, Europako Batzordeak "laster" onartuko du argindarra sortzeko erabiltzen den gasari gehienezko prezioa ezartzea (Salbuespen iberiarra). Halaber, Ukrainako krisiak eragindako krisiari aurre egiteko ezohiko neurriak luzatzeko babesa eskatu die taldeei.
AGENTZIAK | EITB MEDIA
Pedro Sanchez Espainiako Gobernuko presidentea ziur dago Europako Batzordeak "laster" onartuko duela salbuespen iberiarra, hots, argindarra sortzeko erabiltzen den gasaren prezioari muga jartzea.
Behin Europako Batzordeak argi berdea eman bezain laster sartuko da mekanismoa indarrean, gai hori arautzen duen lege dekretua baliozkotuta, Pedro Sanchezek asteazken honetan Kongresuan azaldu duenez. Horren ustez, argindarraren faktura % 15 eta % 20 artean jaistea ekarriko du.
Aipaturiko mekanismoa urtebetez egongo da indarrean. Lehen asteetan, gasaren gehienezko prezioa 40 eurokoa izango da megawatt orduko. Gerora, muga hori igotzen joango da 50 euro inguruko batez bestekora iritsi arte.
Bestalde, Ukrainako gerrak eragindako krisiari aurre egiteko onartutako ezohiko neurriak ekainaren 30etik harago luzatzeko babesa eskatu die Pedro Sanchezek talde parlamentarioei.
Sanchezek agerraldia egin du asteazken honetan Diputatuen Kongresuan, Europako Kontseiluaren azken bileraren berri emateko azken ezohiko Europako Kontseiluaren berri emateko eta bere gobernuak Sahararekiko izan duen jarrera aldaketa azaltzeko.