Ekonomia -

Lan-gatazka

Frantziako Gobernuak greban dauden bi findegi irekitzera behartu ditu

Elisabeth Borne Frantziako lehen ministroak iragarri duenez, ExxonMobileko findegien "funtzionamendurako ezinbesteko langileak" lan egitera behartuko dituzte.

Langileak La Medeko findegian, Chateau Neuf les Martiguesen. Argazkia: EFE
Langileak La Medeko findegian, Chateau Neuf les Martiguesen. Argazkia: EFE
Langileak La Medeko findegian, Chateau Neuf les Martiguesen. Argazkia: EFE

Agentziak | EITB Media

Whatsapp Facebook Twitter Telegram Email

Frantziako Gobernuak ExxonMobileko bi findegi indarrez irekitzea erabaki du gaur; izan ere, TotalEnergieseko beste enpresa batzuetara ere hedatu da greba, eta herrialdeko gasolindegien % 30ean hornidura-gabezia eragiten ari da.

Elisabeth Borne Frantziako lehen ministroak Batzar Nazionaleko kontrol saioan iragarri duenez, ExxonMobileko findegien "funtzionamendurako ezinbesteko langileak" lan egitera behartuko dituzte, atzo, astelehena, zuzendaritzaren eta hainbat sindikaturen artean akordio bat sinatu ostean.

Lehen ministroaren hitzetan, "greba amaitzen jakin behar da", eta administrazioaren irekiera legitimatuta dago, "soldaten arteko desadostasun batek ez duelako herrialdea blokeatzea justifikatzen".

La primera ministra francesa, Élisabeth Borne. Foto: EFE

Gobernuak ExxonMobileko findegien, Notre Dame de Gravenchon (ipar-mendebaldea) eta Fos sur Mer (hego-ekialdea), eta TotalEnergieseko lantegien egoera desberdin tratatzearen alde egin du, horiek ere geldirik baitaude.

Bigarren kasu horretan, TotalEnergiesek astelehenean berretsi zuen soldata-negoziazioei ekiteko prest dagoela urritik, baina hori behin lanuzteak amaitzen direnean.

Bornek aitortu du gasolindegietan egoera "zaila" dela, Estatuko guztien % 30ean gutxienez erregai mota bat falta dela, eta "toki batzuetan jasanezina" dela.

Duela bi aste findegietan hasi ziren geldialdiak direla eta, erregai-eskasiak erregaien prezioak igotzea ekarri du.

.

Hau zure interesekoa bada, baliteke beste gai hauek ere izatea
Grebak Paris Frantzia Ekonomia Eguneko albisteak Albisteak Sindikatuak Lan gatazkak Frantziako Gobernua Erregaiak