Ekonomia -
Lan-gatazka
Greba Bizkaiko zerbitzuguneetan abenduaren 1etik 5era
CCOOk, LABek, ELAk eta UGTk lanuztera deitu dute, "patronalak eskubideak eguneratzeko hitzarmena sinatzeari etengabe uko egin diolako".
Agentziak | EITB Media
CCOO, LAB, ELA eta UGT sindikatuek grebara deitu dituzte Bizkaiko zerbitzuguneetako langileak abenduaren 1etik 5era, "patronalak eskubideak eguneratzeko hitzarmena sinatzeari etengabe uko egin diolako".
CCOO sindikatuak ohar baten bidez jakinarazi duenez, hiru urtez izandako negoziazioak alferrikakoak izan dira patronalaren "blokeoagatik", "soldatak igotzeari uko egiten jarraitzen duelako, ezta langileen erosteko ahalmena bermatzeari ere".
Sektoreko langileek soldata igoerak eskatzen dituzte, erosteko ahalmena bermatzeko eta lan-baldintzak hobetzeko.