Ekonomia -
CEOEren Asanblada orokorra
Rajoyk neurri ekonomiko 'zailak' onartuko ditu 'aurki'
Bestalde, Juan Rosell CEOEren presidentea erakunde publikoak eta politikari kopurua murriztearen alde agertu da.
Erredakzioa
Mariano Rajoy Espainiako Gobernuko presidenteak iragarri du neurri ekonomiko "zailak" hartuko dituztela "aurki, aurten", lanpostuak sortzeko; hala ere, ez du zehaztu zeintzuk izango diren neurri edo erreformak.
Rajoyk mezu horixe igorri du CEOE Espainiako enpresarien konfederazioaren Asanblada orokorraren itxiera ekitaldian. Defizita murrizteko herstura neurriekin jarraituko duela eta lehiakortasuna eta malgutasuna indartuko dituela berretsi du Rajoyk enpresarien aurrean.
"Zurrunbiloak saihestezinak dira krisitik ateratzeko, orain gainditzea dagokigu, eta bide horretan gaude, ez gara bidetik urrunduko eta erabaki horrekin jarraituko dugu amaiera arte", gaineratu du.
Erakunde publiko eta politikari kopurua murriztea
Bestalde, Juan Rosell CEOEren presidentea erakunde publikoak eta politikari kopurua murriztearen alde agertu da. Haren esanetan, gutxiago "baina hobeto ordainduta" egon beharko lirateke.
Rosellek Rajoyren Gobernuak hartutako neurri batzuk txalotu ditu, honakoak besteak beste: lan-erreforma, aurrekontuen egonkortasunerako legea eta finantza sistemaren berregituraketa. Baina beste neurri batzuen kontra agertu da: PFEZaren igoera eta Elkarteen gaineko Zergaren onura batzuek bertan behera uztea.
Bestalde, Espainiako enpresarien konfederazioko buruak bankuen batasuna eta zerga batasuna eskatu dizkio Bruselari. Era berean, EBZk Eurobonuak erosi beharko lituzkeela uste du.
Mariano Rajoy Espainiako Gobernuko presidenteak iragarri du neurri ekonomiko "zailak" hartuko dituztela "aurki, aurten", lanpostuak sortzeko; hala ere, ez du zehaztu zeintzuk izango diren neurri edo erreformak.Rajoyk mezu horixe igorri du CEOE Espainiako enpresarien konfederazioaren Asanblada orokorraren itxiera ekitaldian. Defizita murrizteko herstura neurriekin jarraituko duela eta lehiakortasuna eta malgutasuna indartuko dituela berretsi du Rajoyk enpresarien aurrean."Zurrunbiloak saihestezinak dira krisitik ateratzeko, orain gainditzea dagokigu, eta bide horretan gaude, ez gara bidetik urrunduko eta erabaki horrekin jarraituko dugu amaiera arte", gaineratu du.Erakunde publiko eta politikari kopurua murrizteaBestalde, Juan Rosell CEOEren presidentea erakunde publikoak eta politikari kopurua murriztearen alde agertu da. Haren esanetan, gutxiago "baina hobeto ordainduta" egon beharko lirateke.Rosellek Rajoyren Gobernuak hartutako neurri batzuk txalotu ditu, honakoak besteak beste: lan-erreforma, aurrekontuen egonkortasunerako legea eta finantza sistemaren berregituraketa. Baina beste neurri batzuen kontra agertu da: PFEZaren igoera eta Elkarteen gaineko Zergaren onura batzuek bertan behera uztea.Bestalde, Espainiako enpresarien konfederazioko buruak bankuen batasuna eta zerga batasuna eskatu dizkio Bruselari. Era berean, EBZk Eurobonuak erosi beharko lituzkeela uste du.
