Ekonomia -
AKORDIOA GASTEIZKO UDALEAN
Vitero: "Gasteizko akordioak agerian uzten du EH Bilduk edukiz beteriko itunak defendatzen dituela"
Gasteizko aurrekontuak adostu ditu EH Bilduk udal-gobernuarekin (PSE-EEk eta EAJk osatzen dute). "Herritarren bizitza hobetuko du akordio honek", esan du.
EITB MEDIA
Rocio Vitero EH Bilduren Gasteizko bozeramaileak baieztatu egin du Udal aurrekontuak babestuko dituztela, PSE-EErekin eta EAJrekin akordioa lortu ostean.
Itun horrek agerian uzten du EH Bilduk "edukiz beteriko akordioak defendatzen dituela", Viteroren hitzetan.
Adostutako kopurua sei milioi euroko zuzenketak eta beste sei milioi datozen urteetarako konpromiso kredituetan islatuko da, guztira hamabost proiektu garatzeko.
EH Bilduko bozeramaileak azpimarratu duenez, "akordio ona lortu da, eta horrek bizi-baldintzak, etxebizitza, trantsizio energetikoa eta enplegua hobetuko ditu", sei milioi euroko balioarekin.
Viteroren arabera, Bilduren jarrera "ez da aldatu, akordioak lortzeko borondate osoarekin arituko gara hasieratik. Azken orduetan ikusi duguna gobernu taldearen aldaketa izan da, eta hori eskertzen dugu ".