25 urteko ama eta 17 hilabeteko semea hil dira Zaldibian, dirudienez etxeko galdararen arazo baten ondorioz

Goizeko 6:20ean aitak larrialdi zerbitzuetara deitu du bera ondoezik zegoela, eta bere emazteak eta seme txikiak ez zutela erreakzionatzen esanaz. Ertzaintza, suhiltzaileak eta osasun langileak bertaratuta, logela batean zeuden ama-semeak suspertzen saiatu dira, baina berandu zen jada.