Gizonezko batek bere burua hil du Kordoban, etxebizitzaren zorragatik

26 urteko gizonezko batek bere burua hil du ostiral honetan Kordoban, orain urtebete bankuari etxea saldu arren oraindik 22.000 euroko zorra zuela jakin eta gero, Kaleratzeak Stop elkarteak jakitera eman duenez.

Elkarte horretako kidea zen hildakoa, eta, etxea ordainean emateko prozesuagatik oraindik 22.000 euroko zorra zuela jakin duenean, laugarren solairutik bota du bere burua, Kaleratzeak Stop taldeko iturrien arabera.

Elkarteak azaldu duenez, orain urtebete bankuari etxea salduta etxe hori ordainean ematen zuela eta zorra kitatzen zuela sinetsita zegoen gizona. Zorra ikusita, baina, bankuak ''iruzur'' egin ziola salatu zuen gizonak.

Poliziak baieztatu dutenez, gizonezkoa ezkonduta zegoen eta 8 urteko alaba bat zuen. Poliziak hilotza aurkitu duela azaldu du, baina ez du heriotzaren arrazoia baieztatzerik izan.